PANAGA'INUP HA UGTUHAN SUGA

Magannal kunoh kita niu hangkaraih,mangligih-lingih ki ta niu sin katilingkal hula natoh.

Palaummun natoh in panghati natoh sin kahalan sin hula natoh daing ha awwal zaman sampai na pa biha'on, man biahdi'in in pangabuhi'anan ha hulah tah. Mabutna pa parintahan sin bangsa ta. Aun kah kapus paiddahan sin hula iban bangsa ta man ta bandingun iban hula-bangsa ha pangdaig ta?

PEACE, DEMOCRACY, DEVELOPEMENT, PROPARE EDUCATION AND STABILITY !!!!

kia hamutan taka in katan ini ha hula ta?

Maghidjatul muna kita niu sin hula ta! tiponun natoh in manga taga pagiskol(educated group) lamud na in manga "MARUH" hilista/hisulat in persebabban sin hula ta, dugugun/bisitahun/upiksa'on in kahalan sin rakyat, tainghugan in permasalahan nila ini sin manga Kamayoran. Ampa natu mapa aun in "GUIDELINES" sabat da sin anggalis, ha pag idjatul sin BANGSA, HULA iban AGAMA.

Damikkian ha kahalan sin pag claim sin SABAH, natalih ka sin kanakuraan in mahadjanah nag tata'o sin sabah lamud na ta'o sug, kadazan, sungei, dusun, cina iban ginisan pa in bangsa ha sabah(malaysia citizen). Pakain na sila ini? tuma'ayun ka sila ini atawa magad kah sila ini ha pamarintahan sin bangsa ta? maraig bangsa tara in mangad bukun pa isab katan.

Biahdi'in in kaagad sin dugaing bangsa man matampal ha mata tainga nila in kumawa atawa gumanti mamarintah daing ha bangsa ta, amun pag tagun nila Undemocratic Group, Pirates of the Caribbean, Uneducated Group iban Stupid Pirates, bayang-bayangun ta kunoh in "gulallan" katoh ini. Bulingkag bahivu!!!!!

Mag "success" in pag claim ta mag balik sin sabah man in majority sin manga ta'o atawa bangsa ini tuma'ayun/mangagahagad ha pamarintahan sin bangsa ta, ayau sampai mabuta in mag kiclaim pa sabah sin hak-hak sin manga ta'o ini, dugugun in tilahak sin anak dilah nila ini sin dunya. Malaingkan ha kajanjian/mapakita ta sila sin pamarintahan ta marayau aun contohan/bukti kakita'an nila, bukun hat biah pag dah sin malaysia sumagawa lumavi pa in dayau sin parasaan nila ha babava sin pemerintahan sin bangsa ta.

Wairu'on san kabus-kabus/babbal sarah(court) hula hatul(sabah) hi tukbal pamanga ta'o atawa

pamarintah amun pagtagun nila Undimocratic Group, Pirates, Uneducated mata'od pa in gulalan nila katu. Misan aun in kapatut ta, gamman kita na in ianun pasurun pa malaysia. Kelna amun ini in matampal kakahinang sin bangsa ta. Magih!!! Magih!!! Magih!!! katan magih!!!!! Uno in dayau kakahinang sin bangsa ta kita sin manga ta'o ini ????

Ayau nah mag palayuh, yari ha alupan mata ta, si sigut-sigut sin illung ta in kelammahan atawa kapinsangan ha pamarintahan sin bangsa ta. Di ma'obus hi sulat in kulang-kabus ha hula ta, na abut nag paguian in bangsa ta sambil duguh-nyawa tiuk manglawag kabuhi'anan, na abut nag kasausaggawan iban nag kajaujilan ha sebab mag buhi kaukanakan man-man di hal-halan.

Baktulun tana'a in halaum bai ta, ampa kita gumuah pa halaman mabutna pa pangdaig bai ta. Mahunit hi kapanghinunggingan kita. Pasal in papatah sin gayuh ta biah hantang manglungkup kita pasabah.

Manga muslimin kata'o-taimanghuran hangka bangsa iban hangka agama, labih-labih na in mang kanakuraan ta. Mag sama-sama kita niu mag lanoh sin ginhawa baran iban hula piamarintahan ta, bat kita aturun malanoh masawa in ail-muka ta, profesional in dagbus ta iban manabang in kignut kahibal ta.